Ezagutu Europa
Europar Batasuna elkarte ekonomiko eta politiko berdingabea da, Europako 27 herrialdek osatzen dutena; horiek kontinentearen zati handi bat hartzen dute. Estatu horiek beren subiranotasunaren zati bat erakunde komunei eskuordetu diete, denen intereseko gaiei buruzko erabakiak demokratikoki hartzeko.
Bigarren Mundu Gerraren ondoren sortu zen gero EB bihurtuko zen erakundea. Hasieran, lankidetza ekonomikoa bultzatu zuten, herrialdeen arteko interdependentzia ekonomikoa handitu ahala, gatazkak gertatzeko arriskua gutxitzeko.
1958an Europako Ekonomia Erkidegoa (EEE) sortu zen, hasiera batean, sei herrialde hauen artean gero eta estuagoa izanen zen lankidetza ekonomikoa ezartzen zuena: Alemania, Belgika, Frantzia, Italia, Luxenburgo eta Herbehereak.
Harrezkero, beste 22 estatu batu dira (Espainia, 1986an), eta merkatu bakar erraldoi bat sortu dute, “barne merkatu” ere deitzen zaiona. Horrek aurrera egiten jarraitzen du, potentzial osoa lortu arte.
2020ko urtarrilaren 31n, Erresuma Batuak Europar Batasuna utzi zuen.
Eta soilik ekonomikoa zen batasun izaten hasi zena, fronte politiko guztietan aktiboa den erakunde izateraino bilakatu da: klimaren eta ingurumenaren alorrean ez ezik, osasunaren, kanpo harremanen, segurtasunaren, justiziaren eta migrazioaren esparruetan ere bai. Europako Ekonomia Erkidegoaren (EEE) izena 1993an Europar Batasunera (EB) aldatzeak transformazio hori islatu baino ez zuen egin.
Erakundeak
Kontseiluarekin batera legeak ematen ditu eta harekin banatzen ditu legegintza proposamenak egin eta aldatzeko eta EBren aurrekontuari buruz erabakitzeko botereak. Batzordearen eta EBko beste organo batzuen jarduera ere gainbegiratzen du, eta EBko kide diren estatuetako parlamentuekin elkarlanean aritu eta horien ekarpenak bideratzen ditu.
EBko herrialdeen arteko lankidetza politikoaren maila altuena adierazten du. Kontseilu Europarra eta Europako Batzordeko EBko herrialde guztietako estatuburu edo gobernuburuek osatzen dute.
EBren orientazio eta lehentasun politiko orokorrak zehazten ditu. Ez da EBko erakunde legegileetako bat eta, hortaz, ez du legeriarik negoziatu edo onartzen. EBren jarduketa programa ezartzen du, eta, oro har, EBren bileretan intereseko gaiak eta hartu beharreko neurriak mugatzen dituzten ondorioak hartzen ditu.
Modu informalean “Kontseilu” ere deitzen zaio. EBko herrialde bakoitzeko gobernuetako ministerioen aurrean dauden pertsonak legegintza neurriak eztabaidatu, aldatu eta onartzeko eta politikak koordinatzeko biltzen dira. Ministerioaren ordezkari bakoitzak eskumenak ditu bere Gobernuaren izenean konpromisoak hartzeko, bileretan erabakitako jarduketei dagokienez.
Kontseilua EBko erabaki organo nagusia da, Europako Parlamentuarekin batera.
Ez da honako hauekin nahastu behar:
- Kontseilu Europarra (hiru hilean behingo gailurrak, non EBko liderrek Europako politiken ildo nagusiak markatzen baitituzte)
- Europako Kontseilua (EBz kanpoko erakundea).
Europar Batasunaren politikak
EB orotariko politikez arduratzen da, nola giza eskubideez hala garraio edo merkataritzaz, besteak beste. Sakatu estekan EBren jardueraren laburpen bat ikusteko, interes esparru bakoitzean, eta erakunde, legeria eta dagozkien agirietarako estekak aurkitzeko.
Txandakako lehendakaritza
Kontseiluko Presidentzia beren gain hartzen dute EBko estatu kideek, sei hilabeteko txandetan. Seihileko batez, dagokion estatua Kontseiluaren maila guztietako bilkuretako lehendakaria da eta EBren lanaren jarraitutasuna bermatzen laguntzen du.
Presidentzian diharduten estatu kideek hiruko taldeetan, “Hirukote” deritzenetan, lankidetza estuan jarduten dute. Sistema hori Lisboako Itunak ezarri zuen 2009an. Hirukoteak epe luzerako helburuak finkatzen ditu, eta hemezortzi hilabeteko epean Kontseiluak landuko dituen gai nagusiekin programa bateratua prestatzen du. Programa horren arabera, hiru herrialde horietako bakoitzak xehetasun gehiagorekin prestatzen du seihileko programa.