2024ko Berrikuntza Funtsaren bi deialdiak apirilaren 24an itxi ziren ofizialki, eta guztira 373 proiektu-proposamen jaso ziren. Horrek erakusten du Europako industriak konpromiso irmoa duela EBren klima-neutraltasunerako trantsizioarekin, aldi berean lehiakortasuna sustatuz. Deialdi horien esparruan, Europako Batzordeak 3.400 milioi euro emanen ditu EBko Emisio Eskubideen Merkataritza Araubidearen (EU-ETS) diru-sarreretatik, teknologia garbi aitzindariak hedatzen laguntzeko.
Biak 2024ko abenduaren 3an abiaraziko dira. Zero emisio garbiko teknologien deialdia 359 eskabiderekin itxi zen. Proiektu horiek, guztira, 21.700 milioi euroko laguntza eskatu zuten, hau da, eskaria 2.400 milioi euroko aurrekontu erabilgarria baino bederatzi aldiz handiagoa izan zen.
Ibilgailu elektrikoentzako bateriak fabrikatzeko deialdiak 14 proposamen jaso zituen, eta 1.600 milioi euroko finantzaketa eskatu zitzaion EBri, 1.000 milioiko aurrekontua gaindituz. Zifra horiek argi eta garbi nabarmentzen dute Europako industriek teknologia garbien ezarpena bizkortzeko, deskarbonizatzeko eta sektore estrategikoetako industria-lidergoa indartzeko duten konpromisoa.
