Txostenak erretiro malgurako tresnak aztertzen ditu EBn eta Norvegian. Tresna horiek inplementatzea eta lan merkatuaren dinamikan, birbanaketan, jasangarritasun fiskalean eta bizi kalitatean izaten ahal duten eragina ebaluatzen du.
Gizarte Politikak Aztertzeko Europako Sareak (ESPAN) egindako txosten horrek erretiro malgurako bideak aztertzen ditu EBko eta Norvegiako 27 herrialdeetan.
Txosten nazionaletan oinarrituta, erretiro malgurako tresna nagusiak aztertzen ditu (erretiro geroratua, erretiro-adin bereiziak, erretiro-adin malguak eta pentsioaren eta lanaren konbinazioa), bai eta aztertutako herrialdeetan duten aplikazioa ere.
Erretirorako bide malguak oso zabalduta daude EBn eta Norvegian, baina nabarmen aldatzen dira diseinuan eta eskaintzen dituzten pizgarrietan.
Erretiro geroratua, barnean hartzen ahal dituena pizgarri aktuarialak eta batzuetan fiskalak, aztertu diren 28 herrialdeetan dago, batean izan ezik.
Erretiro-adin bereiziak herrialde horien erdian daude erabilgarri, eta aukera ematen diete langileei lehenago erretiroa hartzeko, zigorrik gabe, kotizazio historia luzea badute; aldiz, erretiro-adin malguak hiru herrialdetan daude erabilgarri, eta aukera ematen diete langileei erretiratzeko beren adina tarte jakin baten barruan aukeratzeko.
Pentsio baten eta laneko diru sarreren arteko konbinazioa herrialde guztietan egiten ahal da, hautagarritasun irizpide desberdinekin; lanaldi partzialeko lana pentsio partzial batekin konbinatzeko aukera, berriz, ez da hain ohikoa.
