614 zenbakiduna: Ikertzaileek kalkulatu dutenez, Europako 10 banku handienen akzio zorroetako dolar bakoitzeko, 26 zentimo zerbitzu ekosistemikoen mende daude neurri handi batean.
Bankuek zeregin garrantzitsua dute gure gizartean, eta funtsezkoak dira garapen jasangarria sustatzeko. Bankuek zerbitzu ekosistemikoekiko dituzten mendekotasunak ebaluatu, ulertu eta zabaltzea lagungarria izaten ahal da gure ekonomien funtzionamendua hobeki egokitu dadin eskura dauden zerbitzu ekosistemikoen kalitatera eta kantitatera, bai eta zerbitzu ekosistemikoen maila osasungarriak definitu daitezen ere, finantzen iraunkortasuna eta egonkortasuna bermatzeko asmoz.
Ikertzaileek Europako 10 banku handienek zerbitzu ekosistemikoekiko dituzten mendekotasunen balio monetarioa ebaluatu zuten, akzio zorroaren arabera. Eta nabarmendu zuten esparru horretan azterlan gutxi egin direla eta bankuek denbora luzea erabili dutela zerbitzu ekosistemikoekiko dituzten mendekotasunak integratzeko eta ebaluatzeko.
Bankuek ekosistema osasungarrien mende dauden jarduera ekonomikoetan inbertitzen ahal dute, hala nola arrantzan edo nekazaritzan, edo zerbitzu ekosistemikoak babesteko edo leheneratzeko lan egiten duten proiektuetan, hala nola naturaren kontserbazioan. Halaber, bankuek zerbitzu ekosistemikoen kalitateari eta kantitateari kalte egiten dieten jarduera ekonomikoetan inbertitzen ahal dute. Azterlan horrek iradokitzen du proiektu horiekin lotutako ingurumen arriskuak (deforestazioa edo kutsadura, adibidez) finantza arrisku bihurtzen ahal direla gero bankuendako.
Beraz, bankuek zerbitzu ekosistemikoekin lotutako mendekotasunen eta arriskuen eraginpean egoten ahal diren proiektuetan inbertitzen badute, aukera gehiago dituzte ez ordaintzeko, aktiboen balioa murrizteko eta naturari lotutako arrisku balioa handitzeko. Metrika hori erabiltzen da, banku batek zerbitzu ekosistemikoetan izandako aldaketa kaltegarrien ondorioz izaten ahal dituen galerak neurtzeko.
