Europako Batzordeak finantza laguntzako pakete zabal bat proposatu du: Ukrainarendako Maileguen Lankidetza Mekanismo bat, gehienez ere 45.000 milioi eurokoa, eta Laguntza Makrofinantzarioko (AMF) ezohiko mailegu bat, gehienez ere 35.000 milioi eurokoa.
Pakete horrek Errusiako aktibo immobilizatuen aparteko onurak aprobetxatzen ditu, eta argi uzten du Ukraina suntsitzearen erantzule direnei egokituko zaiela hura berreraikitzearen karga. Ikuspegi hori lehen aldiz aplikatuko da modu egituratuan eta eskala horretan, EBko eta G7ko mailegu emaileen bidez, eta Ukrainaren susperraldirako eta erresilientziarako epe luzeko finantza laguntza egonkorra bermatuko du.
Hasteko, Batzordeak Ukrainarendako Maileguen Lankidetza Mekanismo bat ezartzea proposatu du, EBri eta G7ko bazkideei laguntzeko Ukrainari 45.000 milioi euro arteko maileguak jaulkitzen. Ukrainak aurrekaririk gabeko erronkei aurre egiten jarraitzen duenez, Errusiaren erasoa areagotu egin delako, proposamen horrek azpimarratzen du EBk konpromiso etenezina duela Ukrainaren subiranotasunarekin eta erresistentzia ekonomikoarekin.
EBk mailegu horiei EIEren ekimenaren esparruan egindako ekarpen gisa, Batzordeak laguntza makrofinantzarioko ezohiko mailegu bat proposatu du, gehienez ere 35.000 milioi eurokoa. Finantza laguntza hori funtsezkoa da Ukrainaren aurrekontu premia larriei aurre egiteko; izan ere, premia horiek nabarmen handitu dira Errusiaren erasoa areagotu eta luzatu delako, baita Nazioarteko Diru Funtsaren Zerbitzu Zabalduaren akordioaren esparruan ere. Estalitako maileguaren gainerako zenbatekoa G7ko beste bazkide batzuek emanen dute.
Finantza pakete zabal horrek G7ko buruzagiek Apulian, ekainaren 15ean, egindako goi bileran hartu zituzten konpromisoak betetzen ditu, baita Kontseilu Europarraren ekainaren 27ko bileran hartutakoak ere.
