Ekonomia zirkularraren aldeko apustuaren aldeko nazioarteko bultzada ekonomikoa da, Industria eta Kanpo Ekintzako departamentuek buru dituen proiektu baten bidez
Nafarroa aukeratu dute ECIV (European Circular Innovation Valley) proiektu europarraren partzuergoaren koordinatzaile gisa. Asmo handiko ekimen bat da, Europar Batasunean benetan konektatuta dagoen eskualdeen arteko ekosistema bat sortzeko, 27 milioi eurotik gorako finantzaketarekin. Nafarroaren kasuan, 6.428.500 euroko aurrekontua esleitu zaio, eta Europako Batzordeak % 50eko finantzaketa eman dio.
Honako helburu espezifiko hauek ditu proiektuak: ekonomia zirkularreko berrikuntzako Europako bederatzi eskualde ekosistema mobilizatu, dinamizatu eta konektatzea; balio-kate industrial zirkularretako jarduera berritzailea eta esperimentazioa areagotzea; ezagutzak handitzea; finantzaketa publikoa eta inbertsio pribatuak mobilizatzea zirkulartasunean berritzeko, eta zirkulartasunarekin lotutako ezagutzaren eta eskualde-politika eta -estrategien aktibo komunak sortzea.
Espero da ECIVek elkarlaneko berrikuntzako 35 proiektu sortzea, baita elkarlaneko esperimentazioko 30 proiektu txikiago ere, 10 industria-sektoretako balio-kateetan.
Proiektu horrek berrikuntza-eragileen sare zabal bat mobilizatuko du: 9 eskualde eta eskualdeetako edo estatuetako 25 agintari baino gehiago, 1.200 enpresa baino gehiago (ETEak barne), 100 unibertsitate eta ikerketa-zentro baino gehiago, eta 50 kluster eta elkarte baino gehiago.
