Onarpenaren baldintza da Orangek eta MásMóvilek eskaintzen duten konpromiso sorta guztiz betetzea.
Proposatutako transakzioaren gaineko ikerketa sakon baten ondorio da erabaki hori. Orange sare mugikor osoko operadorea da, eta MásMóvil, berriz, sare mugikor hibridoko operadorea. MásMóvilek sare mugikor propioa du, baina ez du Espainiako lurralde osoa estaltzen; hala, estatuko ibiltaritza-akordio bat du Orangekin, txikizkako zerbitzu mugikorrak emateko.
Sare mugikorreko beste bi operadore aktibo daude Espainian (Telefónica eta Vodafone). Halaber, operadore mugikor birtual batzuk daude, sareko operadore mugikorren azpiegitura erabiltzen dutenak kontsumitzaileei txikizkako zerbitzu mugikorrak eskaintzeko. Digi da Espainiako operadore mugikor birtualik handiena.
Egindako ikerketa sakon horretan, Batzordeak informazio zabala bildu du eta merkatuan parte hartzen dutenen eta beste alderdi interesdun batzuen iruzkinak jaso ditu.
