Espainiaren presidentetzak aurrerapen handiak lortu ditu energiaren, telekomunikazioen eta garraioaren arloetan, EB osorako garrantzi estrategiko handikoak, hala nola Adimen Artifizialaren (AA) Legea diseinatzen hasteko akordioak eta merkatu elektrikoaren erreforma.
Era berean, seihileko honetan, presidentetzak trantsizio eta autonomia energetikoan eta mugikortasun jasangarri, adimentsu eta erresilientearen sustapenean jarri duen fokuak lana eta akordioak bultzatu ditu, Europar Batasunak autonomia estrategikoa eta erresilientzia irabazten jarraitu ahal izateko.
Kontseiluko Presidentetzak 27 estatu kideen sintonia ez ezik, Europako Parlamentuarena ere lortu zuen, Adimen Artifizialaren Legearen proposamenari buruzko behin-behineko akordio baterako, zeina izan daitekeen ezaugarri horiek dituen munduko lehen legeria.
Proposamen aitzindari horren helburua Europan adimen artifiziala sustatzea da eta, aldi berean, herritarren oinarrizko eskubideak errespetatzea. Araudi hori Espainiaren presidentekaritza helburu nagusietako bat izan da.
