2021-2022 biurtekoan, generoaren arloko kanpo-jarduneko Ekintza Plan berriaren lehen urteetan, Europar Batasunak 22.400 milioi euro bideratu zituen emakumeen eta gizonen arteko mundu parekideago bat eraikitzen laguntzeko.
Generoaren arloko kanpo-jarduneko Ekintza Planaren aplikazioari buruz argitaratu berri den bitarteko txosten batean jaso dute datu hori; txostena Europako Batzordeak eta Kanpo Harremanetarako Europako Zerbitzuak prestatu dute elkarrekin. EBk eta estatu kideek laguntza eskaini diete herrialde bazkideei eta gizarte zibilari genero-berdintasuna hobetzen, eta, horretarako, emaitza eraldatzaileak lortu dituzte Team Europe taldearen arabera, hala nola emakumeak eta neskatoak gehiago babestea genero-indarkeriatik, bizitza publikoan eta politikoan gehiago parte hartzea, ahalduntze ekonomikoa, bai eta hezkuntza, osasuna eta gizarte-babesa eskuratzeko erraztasunak ematea ere.
Lorpen horiek aprobetxatzeko, EBk 2025etik 2027ra luzatu du generoaren arloko kanpo-jarduneko Ekintza Plana, generoaren alorrean berdinzaleagoa den mundu bat lortzeko.
