Europar Batasunak, espazio arloko potentzia globala den aldetik, hainbat programa enblematiko ditu dagoeneko, eta programa horiek laguntzen dute europarrei bermatzen onura ateratzen ahalko dietela espazioak beren jardueretan eta eguneroko bizitzan eskaintzen dituen abantaila ekonomiko eta sozialei.
Europako Espazio Programa aitzindaria eta munduko erreferentzia da Lurra behatzeko lanetan, satelite bidezko nabigazioan, konektibitatean eta ikerketa eta berrikuntza espazialean.
Lurraz haraindiko eremuaz harago, eta berrikuntzaren eta ikerketaren sektoreez eta teknologiez gain, Europako Espazio Programaren osagai guztiek ekarpena egiten diete, beren zerbitzu eta aplikazioen bidez, hainbat eremuri, adibidez, doitasunezko nekazaritzari edo nabigazio seguruari. Beraz, asko laguntzen diote EBko gizarteari eta ezinbesteko eragina sortzen dute europarren bizitzan.
Teknologia, datu eta zerbitzu espazialak ezinbestekoak dira jada europarren eguneroko bizitzan, eta funtsezko eginkizuna dute, interes estrategiko asko babesteko. Horregatik, XX. mendeko 90eko hamarkadaren amaieraz geroztik, Europar Batasunak bere programa eta ekimen espazialak garatu ditu.
Honako hauek dira enblematikoenak eta herritarren beharrei eta politika publikoen eskakizunei erantzuten dietenak:Copernicus, Galileo eta EGNOS.
