Europako Vega jaurtigailutik irten da VV23 espazio ontzia, orbitan erakusteko eta baliozkotzeko hiru misio berriak (IOD/IOV, ingelesezko siglen arabera) gauzatze aldera. Espazio ontzia Europaren Guyana Frantseseko espazio zentrotik aireratu da, Horizonte 2020 Ikerketa eta Berrikuntza Programaren esparruan.
Hiru misioek sei satelite eta bederatzi esperimentu dituzte, eta, horiei esker, aplikazio ugari dituzten teknologiak probatzen ahalko dira.
Europar Batasunaren orbitan erakusteko eta baliozkotzeko programak aukera ematen du orbitan esperimentuak probatzeko eta horiek hegaldian esperientzia lortzeko (ingurune erreal batean baliozkotzea), helburu zientifiko, publiko edo komertzialekin. Teknologiak orbitan probatzea da merkatuan sartu aurreko azken urratsa. Orbitan erakusteko eta baliozkotzeko misioei esker, Europar Batasunak, Europako Espazio Agentziaren laguntzarekin, teknologia baten garapenaren eta merkaturatzearen arteko hutsunea betetzen du. Modu zoragarria da, berrikuntzaren bidez Europako espazio industriaren lehiakortasuna bultzatzeko eta Europako bikaintasun zientifikoa hobetzeko.
CubeSat SYNDEO-1&2 misioak orbitan erakusteko eta baliozkotzeko zazpi esperimentu gehitzen ditu; ESTCube-2 eta ANSER misioek, berriz, orbitan erakusteko hegan egiteko prest dauden sateliteak dituzte.
Vega jaurtigailutik irten den espazio ontziaren misioei esker, Europako sei herrialdetako erakundeek onura aterako diete orbitan erakusteko eta baliozkotzeko zerbitzuei.
