2022an, EBko biztanleriaren % 9k adierazi zuen ezin zuela bere etxea behar bezain bero mantendu. 2021. urtearekin alderatuta, portzentaje hori 2,4 puntu handitu zen.
Egoera aldatu egiten da EBko herrialdeen arabera. Etxea behar bezain bero eduki ezin duten pertsonen portzentajerik handiena herrialde hauetan dago: Bulgarian (% 22,5), Zipren (% 19,2), Grezian (% 18,7), Lituanian eta Portugalen (% 17,5 bietan).
Atzetik datorkie Espainia, non pobrezia energetikoak biztanleriaren % 17,1i eragiten baitio, Europako Estatistika Bulegoaren (Eurostat) azken datuen arabera. Gainera, zifra hori handitu egin da energien garestitzeak eta prezioen inflazioak eraginda.
Kontrara, honako herrialde hauek erregistratu dituzte portzentajerik baxuenak: Finlandia (% 1,4), Luxenburgo (% 2,1), Eslovenia (% 2,6), Austria (% 2,7), Txekia (% 2,9), Suedia (% 3,3) eta Estonia (% 3,4).
