Ikerlan berri batean aztertu da nola eragozten duten aldaketa autoerrefortzuko mekanismoek, “blokeo kogniktiboak” deitzen direnek. Izan ere, mekanismo horiek direla eta, aukera gutxi daude nekazariek laboreen dibertsifikazioa onartzeko
Egungo nekazaritza-jardunak dira klima-aldaketaren kausa nagusietako bat, bai eta biodibertsitatearen galeraren, lurzoruaren higaduraren eta kutsaduraren kausa nagusietako bat ere. Gaur egun, gehienek aitortzen dute beharrezkoa dela nekazariek beren jardunak aldatzea, arazo horiei aurre egiteko. Hala ere, nahiz eta ados egon neurriak hartzeko premiarekin eta horiek gauzatzeko moduarekin, aldaketa geldoegia da. Europako funtsekin finantzatutako Diverfarming proiektuaren laguntzarekin egindako azterlan berri batean, arrazoietako bat aztertu da.
