Enpresek, ikerketa-zentroek eta unibertsitateek I+G+B proiektuen proposamenak aurkez ditzakete azaroaren 21era arte
Lankidetza honen helburua trantsizio energetiko garbia bultzatzea eta 2050erako neutraltasun klimatikoa lortzeko EBren helburuari laguntzea da, trantsizio energetikoa gauzatzeko beharrezkoak diren askotariko teknologia eta sistema-soluzioetarako I+G+Bren nazioko eta eskualdeko finantzaketa bateratuz.
2024ko deialdia gaikako hamar modulutan egituratzen da, hainbat teknologia eta/edo energia-sistematara bideratuak, hala nola datu-espazioak eta elkarreragingarritasuna; energia-sistemaren malgutasuna: energia berriztagarrien ekoizpena, sistemaren biltegiratzea eta integrazioa; energia berriztagarrien teknologia aurreratuak energia ekoizteko (A/B); hidrogenoa eta erregai berriztagarriak; karbonoa atzitzea, erabiltzea eta biltegiratzea (CCUS); berokuntza- eta hozte-teknologiak; energia geotermikoaren teknologiak; eskualdeko energia-sistema integratuak; energia-sistema industrial integratuak, eta energia garbia ingurune eraikian integratzea, besteak beste.
Deialdiak bi fase ditu. Aurretiazko proposamenak aurkezteko azken eguna 2024ko azaroaren 21a da, eta proposamen osoak aurkezteko azken eguna, berriz, apirilaren 2a. Informazio guztia eskuragarri dago esteka honetan.
