Beste 12 hilabetez luzatu du Petrolioaren prezioaren egungo muga: 44,10 dolar.
Europar Batasunak 21 zehapen xedatu ditu, eta petrolioaren prezioaren egungo muga (44,10 dolar upel bakoitzeko) beste hamabi hilabetez luzatzea erabaki du, besteak beste. Neurrien ardatza inpaktu handiena duten sektoreak dira: energia; finantza-zerbitzuak, kriptodirua barne; merkataritza; eta errusiar konplexu militar-industriala.
Estatu kideek akordio bat lortu dute errusiar soldaduak Europar Batasunean sartzea galarazteko bidea zelaituko duena, behin Kontseiluak beharrezko betearazpen-neurriak eta erabaki bat hartuta. Errusiako ekonomia izugarri moteltzen ari da, eta EBren zehapenek munduko finantza-sistematik at bakartu dute Errusia.
Onartutako neurrietako batzuk, xehe-xehe:
Energiaren arloko neurriak
Petrolioaren prezioaren gehieneko mugaren doikuntzak: EBk erabaki du urtebetez, hots, 2027ko uztailera arte etetea zehapen-paketearen 18. puntuan xedatutako prezioaren gehieneko mugaren egokitzapena.
Azpiegituren debekua: EBk Errusiako makineria beliko eta ekonomikoaren euskarri diren azpiegitura kritikoei erasotzen segitzen du.
Metano-ontzien (GNL) birsalmenta: Paketeak hirugarren herrialdeei saldutako metano-ontzien berri emateko betebeharra ezarri du.
Finantza neurriak
EBk nabarmen indartu du indarrean dauden zehapenen esparrua, finantza-arloko eta batez ere kriptodiruaren arloko beste murrizketa batzuk ezarriz:
Banku-sektorea: transakzioak egiteko debekua duten hirugarren herrialdeetako bankuen zerrenda eta errusiar bankuen zerrenda handitu ditu paketeak. Guztira, Errusiako 100 banku baino gehiagori eragiten die debeku horrek.
Kriptoaktiboen zerbitzuak: paketeak debeku espezifiko bat ezarri du hirugarren herrialdeetako kriptoaktiboen zerbitzuetarako, eta neurri hori disuasio-elementu bat izanen da zehapenak saihestea errazten duten kriptoaktibo-plataformak ostatatzen dituzten hirugarren herrialdeendako.
Bisen arloko murrizketak
Errusiako indar armatuetako soldatu eta soldadu ohiei eta Errusiak Ukrainan egindako eraso-gerran parte hartzen duten antzeko beste talde batzuetakoei bisak debekatzeko oinarriak ezarri ditu paketeak, eta horrek berretsi egin du estatu kideek mehatxu horri aurre egiteko duten konpromiso politiko eta juridikoa
