Europako 22.200 bainu-eremu aztertu dira, eta % 85 inguru kalitate bikainekoak direla ondorioztatu da.
Europan, ezin konta ahala hondartza eta aintzira ditugu, uretan murgildu, eta bero-bolada gehiegi ekarri dizkigun uda honetako tenperatura altuak arintzen laguntzeko. EBk bainurako urei buruz egindako azken txostenaren arabera, bainatzeko leku gehienak kalitate “bikainekoak” dira.
Aztertutako EBko 22.200 bainu-eremuetatik, % 85 inguru kalitate «bikainekoak» dira, irizpide zorrotzen arabera, eta aztertutako bainu-eremu guztietatik % 96k gutxieneko kalitate-irizpideak betetzen dituzte. Datuen arabera, % 1,5ek soilik dute kalitate “eskasa”.
Estatuko uren % 91
Austrian, Bulgarian, Zipren eta Grezian dago uraren kalitate bikaineko bainu-eremuen ehunekorik handiena. Kalitate «bikaineko» bainu-urak dituzten ibaien eta lakuen ehunekoa zertxobait txikiagoa da (% 78) kostaldeko urena baino (% 88). Espainiako estatuan, kalitate bikaineko kostaldeko bainu-uren ehunekoa % 91koa da; aldiz, ibaietako eta lakuetako uren % 51,3 soilik dira bikainak bainurako, eta % 27,5 kalitate onekotzat jotzen dira.
Europako bainu-uren kalitate bikaina uraren kalitateari buruzko EBko legeriaren ondorio da, neurri handi batean. Hala, legeria horri esker:
- Kontrol- eta kudeaketa-praktikak hobetu dira,
- Hiriko hondakin-uren arazketa-instalazioetan inbertsioak egin dira,
- Hondakin-uren bilketa hobetu da,
- Giza osasunerako eta naturarako kaltegarriak diren alga jakin batzuen ebaluazioa hobetu da.
Etengabeko ahalegin horiei esker, gaur egun, aukera dugu lehen oso kutsatuta zeuden hiriko ur-eremu eta ibai askotan bainatzeko.
