Landa Garapeneko eta Ingurumeneko Departamentuak Nekazaritza Politika Erkidearen nekazaritza eta ingurumen laguntzen azken ordainketa egin du aste honetan; guztira, 14.718.727 euro, LGENF funtsetatik datozenak. Horrela, 2025eko NPEren guztizko saldoa 119 milioi eurokoa izan da, eta Nafarroako nekazaritza eta abeltzaintza ustiategien 10.000 titularren artean banatu da.
2025ean, 2023-2027ko NPEPEren esparruan Nafarroan zeuden 10 esku-hartzeei zegozkien LGENF ordainketak 14,71 milioi eurokoak izan dira guztira, eta horien artean nabarmenak izan dira, zenbateko handia hartzeagatik, muga naturalak edo bestelako muga espezifikoak dituzten eremuetarako laguntzak (7,46 milioi eurotik gora 1.827 titularrentzat) eta nekazaritza ekologikorako laguntza (2,75 milioi eurotik gora 445 titularrentzat). Ondoren, abeltzaintza jasangarria dator (guztira, 2,1 milioi euro inguru 1.423 titularrentzat), bai eta Nafarroako arraza autoktonoetarako laguntza ere (guztira, 1,04 milioi euro baino gehiago, 311 onuradunen artean banatuta).
Ordainketa horiek guztiak ekainean ordaindu zaizkie titularrei, belardietako esku-hartzeei eta koexistentziari dagozkienak izan ezik, horiek 2025aren amaieran ordaindu baitziren (bi esku-hartze horietan bakarrik egin zen ordainketa, laguntza eskatu zen urteko aurrekontu partidaren kontura).
