Europako Batzordeak adierazpen interesgarrien deialdia egin du, arreta etxebizitza sozial, eskuragarri eta jasangarrietarako finantzaketa soluzioetan jarriko duen lantalde bat eratzeko, bai birgaitze proiektuei dagokienez, bai eraikuntza berriei dagokienez. Hautagaitzak aurkezteko epea 2026ko abuztuaren 16ra arte egonen da irekita.
Taldean bizitegi finantzaketan esperientzia zuzena duten pertsonek parte hartuko dute, ezagutza teknikoa trukatzeko eta etxebizitza parkearen garapenari eta hobekuntzari aplika dakizkiekeen ikuspegi praktikoak identifikatzeko. Aurreikusi da lehen bilera 2026ko urriaren hasieran egitea.
Etxebizitzaren finantzaketaren arloan lan egiten duten erakundeei zuzenduta dago parte-hartzea. Aurreikusitako profilen artean daude finantza erakundeak, agintaritza publikoak, proiektuen sustatzaileak eta mota horretako jarduketei lotutako eragile garrantzitsuak.
Hautatutako adituek beren erakundeen ordezkari gisa hartuko dute parte, eta ez norberaren izenean. Horrela, Europako Batzordeak lan eremu bat antolatu nahi du, ezagutza operatiboa izanen duena finantza tresnei, inbertsio beharrei eta etxebizitza sozial, eskuragarri eta jasangarrietarako aplikatzen ahal diren ereduei buruz.
Lantaldean parte hartu nahi dutenek online formularioaaren bidez adierazten ahal dute beren interesa, 2026ko abuztuaren 16ra arte.
