Europako Batzordeak 200 milioi euroko isuna ezarri dio Temu-ri, Zerbitzu Digitalen Erregelamendua betez. Enpresak ez zituen arretaz identifikatu, aztertu eta ebaluatu bere plataforman eskaintzen diren legez kanpoko produktuen arrisku sistemikoak eta horrek Europar Batasuneko kontsumitzaileei eragiten dien kaltea.
Batzordeak dituen frogen arabera, oso litekeena da EBko kontsumitzaileek legez kanpoko artikuluak aurkitzea Temu plataforman.
Zerbitzu Digitalen Erregelamenduaren arabera, tamaina oso handiko lineako plataformak behartuta daude beren zerbitzuei lotutako arrisku sistemikoak arretaz ebaluatzera eta arriskuak gutxitzeko dagozkien neurriak hartzera.
Henna Virkkunen Subiranotasun Teknologikoaren, Segurtasunaren eta Demokraziaren presidenteorde exekutiboak, zera adierazi du: «Arriskuen ebaluazioak ez dira izapide burokratiko hutsak, Zerbitzu Digitalen Erregelamenduaren bizkarrezurra baizik. Temu-ren arriskuen ebaluazioak gutxiesten ditu arrisku zehatzak, ez du espezifikotasunik, ez da proba sendoetan oinarritzen eta ez da zorrotza. Ondorioz, erregulatzaileek, erabiltzaileek eta publikoak, oro har, ez dakite Temu-n saldutako legez kanpoko produktuek ekar ditzaketen kalteak zein neurritakoak diren. Temu-ri iritsi zaio legea betetzeko unea».
Informazio gehiago nahi izanez gero, kontsultatu prentsa oharra.
