Nafarroako Gobernuaren ordezkaritza batek, Ana Ollo lehendakariordea buru dela, Arku Atlantikoko Batzordearen Batzar Nagusian parte hartu du. Batzarra ekainaren 8an eta 9an egin da Quebecen (Kanada). Topaketan sei estatutako hogei eskualde baino gehiagoko ordezkariak bildu dira, eta Quebec-eko Gobernuak antolatu du. Atlantikoko eskualdeek garraioari eta energia berdeari buruzko gaiak eztabaidatu dituzte, eta garapen iraunkorraren eta demokraziaren sendotasunaren aldeko konpromisoa berretsi dute, ziurgabetasun ekonomiko eta politikoz betetako nazioarteko testuinguru batean.
Foru Komunitatea 1996az geroztik Europako Itsas Eskualde Periferikoen Konferentzian sartuta dagoen erakunde horren parte da. Aurreko topaketa guztietan, trantsizio ekologikoaren eta kogobernantzaren arloko esperientzia zehatzei balioa emateaz eta horiek partekatzeaz gain, Nafarroak berretsi egin du Arku Atlantikoko Makroeskualdea deritzona sortzeko babesa.
Eskualde horrek 60 milioi biztanle baino gehiago (Europako biztanleriaren % 12) bilduko lituzke, sei estatutako eskualdeetan banatuta (Irlanda, Erresuma Batua, Frantzia, Espainia, Portugal eta Kanada), Andaluziatik Quebec-eraino (kasu honetan anfitrioi gisa jarduten du). Aurreko topaketak izan dira Donostian (2022), Cardiffen (2023), Sinesen (2024) eta Bartzelonan (2025). Nafarroak jarrera berari eutsi izan dio denbora aldi berean Europako Itsas Eskualde Periferikoen Konferentzia osoaren (24 herrialdetako 160 eskualdetako sei batzorde) batzar nagusietan .
Gogoratu behar da Nafarroa – 82 saretan dago – duela gutxira arte Automozioari buruzko Eskualdeen Aliantzaren (IAA) eta Akitania Berria Euskadi Nafarroa Euroeskualdearen buru izan dela, eta, gaur egun, Pirinioetako Lan Elkartearen (PLE) buru dela. Kanpo Ekintzako Planaren barruan, Foru Komunitateak apustu estrategiko bat egiten du Europako sare eta erakundeetan parte hartzearen alde, eta, era berean, zabalagoak ere bai, konpromiso bikoitz baten alde: erakundeek eskualdeetatik bertatik gune demokratikoak eraikitzearen alde; eta konpromiso praktikoak, berriz, garapen jasangarriko ildoak elkarrekin lantzearen alde, herritarren onerako izanen direnak. Aurreko edizioetan, Nafarroaren konpromisoa nabarmendu da, besteak beste, hidrogeno berdearen, eolikoaren eta beste energia berriztagarri batzuen sustapenean, ekonomia zirkularrean edo ekonomia sozialean.
Ikuspegi bikoitz horrek artikulatzen du Nafarroak foro horretan izan duen parte-hartzea. Ollo lehendakariordea eta Silvia Ojer Europako Proiektuen Bulego Zerbitzuko zuzendaria izan dira bertan.
Ekitaldiaren hasieran eta azken adierazpenaren onarpenean parte hartzeaz gain, Ollo lehendakariordeak, Bartzelonan egindako azken edizioan egin zuen bezala, “Segurtasun ekonomikoaren eta demokraziaren bermeak talka globalen aroan” gaiaren inguruko mahaian parte hartu zuen, tokiko ikuspegi batetik. Hau izan da Ricardo Pinheiro (Alentejo, Portugal), David Naftzger (Laku Handiak eta San Lorentzo, Kanada) eta Jack Murray (Donegal, Irlanda) jaunekin partekatu duen saioaren izenburua.
