Europako Batzordeak arrakastaz itxi du Hidrogenoaren Mekanismoaren jardueren lehen txanda, Energiaren eta Lehengaien Europako Plataformaren esparruan kudeatua. Gaur egun hidrogeno proiektuak (eskaintzaren zein eskariaren aldetik) garatzen ari diren merkatuko eragileek gogo handiz erantzun zuten, eta interes handia agertu zioten bai ekimen berriari bai hidrogenoaren merkatua garatzeari.
Lehen txandan, Hidrogenoaren Mekanismoak etorkizuneko hidrogeno ekoizleei modu garden eta erraza eman zien beren proiektu espezifikoen eskaria ebaluatzeko eta balizko erosleak aurkitzeko, banakako prozesuak kudeatzeak dakarren karga administratiborik gabe. Hornitzaileek irmo erantzun zuten: 265 proiekturen hornidura aukerak izan ziren, barne hartuta hidrogeno berriztagarria eta karbono gutxikoa, bai eta haren deribatuak ere.
Geroago, proposamenak Europako erosleei aurkeztu zizkieten, eta beharrezko merkatu informazioa eman zieten eskuratzeko prozesuak babesteko, bai eta ebalua zezaten hidrogenoaren merkatu hasiberrian sartzea komeni zaien eta bertan nola sartu. Erosleen erantzuna adierazgarria izan zen: 45 erosketa proiektu izan ziren, eta interesa agertu zuten hornidura aukeren % 87rako.
Parekatze fasea burutu ondotik, parte hartzaileei beraiei dagokie hurrengo urratsa egitea eta zuzenean jartzea elkarrekin harremanetan Hidrogenoaren Mekanismotik kanpo, etorkizuneko lankidetza aukerak aztertzeko.
Emaitza pozgarriak oinarri hartuta, Batzordea Hidrogenoaren Mekanismorako hurrengo urratsei buruzko gogoetari emana dago orain, azpiegituren garapena nola lagundu barne.
