Europako Batzordea jasotzen ari da estatu kideek zer ikuspuntu dituzten Ekialde Hurbileko krisialdiaren testuinguruan EBko ekonomia babesteko estatu-laguntzen Krisialdiaren Aldi Baterako Esparruaren proposamen-proiektuaren inguruan; 2026ko apirilaren 13an iragarri zuen proposamena Ursula von der Leyen presidenteak. Europar Batasunaren Funtzionamenduari buruzko Tratatuaren 107. artikuluko 3. apartatuko c) letran oinarritzen da proposamen-proiektua, zeinak ahalbidetzen baitu ustekabeko arrisku ekonomikoetan laguntzak ematea sektore ekonomiko espezifikoak garatzeko.
Batzordea estatu kideei kontsulta egiten ari zaie, jakin nahi baitu nola ikusten duten aldi baterako esparru espezifiko bat sortzea krisialdiak ekonomiaren sektore kaltetuenetariko batzuetan dituen eraginei aurre egiteko (besteak beste, nekazaritza, arrantza, errepideko garraioa eta distantzia laburreko itsas garraioa EBn) . Proposamen-proiektuaren parte gisa, Industria Garbiaren aldeko Ituneko estatu-laguntzen esparrua aldi baterako murriztuko da, argindarraren prezio-igoera handienei aurre egiteko zenbatekoa areagotu ahal izateko.
Informazio gehiago prentsa-oharrean
