Orobat, burutu dira merkataritza askeko akordio anbiziotsu eta orekatu bat egiteko negoziazioak, eta negoziazio formalak hasiko dira Australia ere Horizon Europerekin elkartzeko, ikerketarako eta berrikuntzarako munduko finantzaketa-programa handienarekin. Neurri horiei esker, EBk eta Australiak bientzat onuragarriak diren emaitzak lortuko dituzte, eta are gehiago sendotuko dituzte haien arteko harreman estuak ziurgabetasun geopolitikoko une honetan.
Merkataritza libreko akordioaren azken testua Canberran egin zen buruen arteko bilera batean adostu zen. Europako Batzordeko presidente Ursula von der Leyenek eta Australiako lehen ministro Anthony Albanesek parte hartu zuten. Hauek sinatu zuten, digitalki, 2026ko martxoaren 18an, segurtasun- eta defentsa-arloan elkartzeko akordioa: Batasuneko goi-ordezkari eta Batzordeko presidenteorde Kaja Kallas, Australiako lehen ministroorde eta Defentsako ministro Richard Donald Marles, eta Kanpo Arazoetako ministro Penny Wong.
Von der Leyen presidenteak hau adierazi du: «Nahiz eta EB eta Australia geografikoki elkarrengandik oso urrun egon, ezin hurbilago gaude gure mundu-ikuskerari dagokionez. Segurtasun- eta defentsa-arloan elkartzeko eta merkataritzako akordio berri eta dinamiko hauekin, are gehiago ari gara estutzen gure harremanak. Akordio horiek egitura iraunkorrak eta konfiantzan oinarrituak ezartzen dituzte, irmotasunaren bitartez bakea eta segurtasuna sustatzeko, arauetan oinarritutako merkataritzaren bitartez oparotasuna bultzatzeko, eta elkarlanaren bitartez mundu-mailako erakundeak defendatzeko. Gure konpromisoa da etorkizun garbiagoa eta digitalagoa eraikitzea gure herritar, langile eta enpresentzat. Seinale argi bat bidaltzen ari gara munduko gainerako herrialdeei: adiskidetasuna eta lankidetza dira garrantzitsuenak garai nahasietan».
