Europako Batzordeak terrorismoa prebenitzeko eta haren aurka borrokatzeko agenda berri bat aurkeztu du, Europaren erantzun kolektiboa indartzeko bidea ezartzen duena mehatxu terrorista eta estremista biolentoen bilakaerari dagokionez.
EBk terrorismo eta estremismo biolentoarekiko erantzuna indartu du azken hamarkadan. Hala ere, mehatxu horien izaera aldakorra dela eta, erantzun egokitu sendoago bat behar da. Ekimen garrantzitsua da ProtectEU Barne Segurtasuneko Estrategiaren esparruan: prestakuntza eta erantzuna areagotzeko sektorearteko ekimenen multzo zabal bat proposatzen du agendak, EBn pertsonak eta enpresak erasoetatik hobeki babeste aldera.
Teknologia digitalen eta teknologia berrien (hasi sare sozialetatik eta adimen artifizialetik eta 3Dan inprimatutako arma, drone eta abarretaraino) erabilera desegoki gero eta handiagoarekin, jarduera terrorista berregituratzen ari da. Aldi berean, adingabekoen erradikalizazioa areagotzen ari da, eta gero eta onlineko eraso gehiago egiten zaizkie gazteei. Gertaera geopolitikoek eta agente estatal eta bestelakoek are larriagotzen dute mehatxuen panorama.
Batzordeak proposatzen du EBren prospektiba eta erresilientzia areagotzea, pertsonen onlineko eta lineaz kanpoko segurtasuna handiagotzea eta nazioarteko bazkideekiko lankidetza indartzea.
