Gaur, Montenegro Atxikitzeko Biltzarraren 25. bileran, 32. kapituluari (finantza-kontrola) buruzko atxikimendu-negoziazioak itxi dira behin-behinean.
Beharrezkoa izanez gero, EBk kapitulu hori berriro lantzen ahalko du, hala badagokio.
Establezimenduak ezartzeko eskubideari eta zerbitzuak aske emateari buruzko 3. kapitulua, kapitalen zirkulazio askeari buruzko 4. kapitulua, sozietateen zuzenbideari buruzko 6. kapitulua, nekazaritzari eta landa-garapenari buruzko 11. kapitulua eta arrantzari buruzko 13. kapitulua behin-behinean itxi ziren aurreko Atxikimendu Biltzarrean, 2025eko abenduaren 16an. EBko ondarearen harmonizazioaren eta aplikazioaren alorreko aurrerapenen jarraipena egiten jarraituko da negoziazioetan.
Montenegrok 33 negoziazio-kapituluak ireki ditu EBra atxikitzeko negoziazioetan. Gaur adostutako behin-behineko itxierarekin, haietako hamahiru kapitulu behin-behinean itxita gelditu dira dagoeneko. Atxikimendu Biltzarrak berretsitako negoziazio-printzipioen arabera, kapitulu espezifiko eta partzialei buruzko negoziazioetan lortutako akordioak ez dira behin betikotzat jotzen ahalko, harik eta akordio orokor bat hitzartu arte kapitulu guztietarako.
Zipreko Europako Gaietako ministrorde Marilena Raouna andreak zuzendu zuen Europar Batasunaren ordezkaritza, EBko Kontseiluaren Zipreko presidentetza ordezkatuz, eta Marta Kos Hedapenerako Europako komisarioak ere parte hartu zuen. Montenegroko lehen ministro Milojko Spajić jaunak zuzendu zuen Montenegroko ordezkaritza.
