2026ko urtarrilaren 1ean, Espainiak eta Portugalek Europar Batasunera atxiki zirenetik 40 urte igaro direla ospatu zuten.
Bi herrialdeek EB kulturaren, politikaren eta ekonomiaren aldetik aberastu dute. Atxikitze horrek Europako herritarrei merkataritza- eta bidaia-aukera gehiago eskaini dizkie, herrien arteko elkartasuna sendotu du eta Europar Batasuna nazioartean indartu du, Latinoamerikako, Afrikako eta Mediterraneoko herrialde kideekiko loturak bultzatuz.
1986az geroztik, Espainiako eta Portugaleko BPG erreala bikoiztu egin da, eta hamaika milioi lanpostu baino gehiago sortu dira. Halaber, kontinente osora egindako esportazioak nabarmen handitu dira, merkatu bakarrean sartzeari esker. Portugaldarren % 91k eta espainiarren % 76ak uste du beren herrialdeak EBra atxikitzeak onurak ekarri dituela.
Bi herrialdeek onura asko ekarri dizkiete bai EBri, bai Europako herritarrei, besteak beste: ikerketari eta berrikuntzari egindako ekarpenak eta kalitate handiko nekazaritzako eta arrantzako produktuak. Babes zibileko eta laguntza humanitarioko ekintzen abangoardian daude, eta emaile nagusi gisa dugun zeregina indartzen dute. Haiei esker, gazte europar askok bidaiatzeko eta ikasteko aukera dute. Espainia Erasmus+ programaren helmuga nagusia izan da, eta ia 680.000 ikasle eta irakasle hartu ditu 2021. eta 2024. urteen artean.
Espainiak eta Portugalek ekarpen erabakigarria egin diote EBk azken 40 urteotan izan duen aurrerapen handiari, herritarrek eskubide gehiago, osasun hobea eta askatasun handiagoak dituztela bermatuz.
