Europar Batasunak modu esanguratsuan indartu ditu arrisku handiko eremuetan diharduten langile humanitarioak babesteko ahaleginak, eta, hala, beste 4,35 milioi euro esleitu dizkio Protect Aid Workers ekimenari.
Langile humanitarioen lana gero eta arriskutsuagoa izaten ari den unean iritsi da erabakia. Lanean diharduten artean gertakari larriak jasaten dituzten langile humanitarioak babestuko ditu finantziazio berri honek, haien segurtasuna eta suspertzea bermatuko ditu. Tokiko langile humanitarioetan zentratuko da laguntza, haiek baitute arrisku handiena indarkeria armatuari eta heriotza-mehatxuei dagokienez.
Hadja Lahbib Krisi Kudeaketa eta Berdintasun komisarioak antolaturiko Sájarov Sariaren banaketa-ekitaldiarekin batera iragarri zen erabakia atzo jendaurrean, sariaren hautagaiekin (Palestinako Ilargierdi Gorria Elkartea eta UNRWA) eta Protect Aid Workers programaren laguntza jaso duten Afganistango, Ukrainako eta Sudango langile humanitarioekin elkartzeko.
Programa abiarazi zenetik, 450 langile humanitariori baino gehiagori eta haien familiei lagundu die EBk.
Online kontsultatzen ahal duzu prentsa-oharra.
