2026ko Europako Seihilekoko udazkeneko paketea onetsi du Batzordeak, eta hartan ezartzen dira ekonomia- eta enplegu-politikaren lehentasunak, lehiakortasuna sustatzea dela xede. Gero eta zailagoa den ingurune geopolitiko batean, Batzordeak ekintza koordinatua eskatu du produktibitatea, berrikuntza eta inbertsioa indartzeko, Lehiakortasun Iparrorratzarekin bat etorriz. 2026ko Europako Seihilekoko zikloa abiarazi du udazkeneko paketeak, helburutzat harturik oinarri analitikoa hobetzea, estatu kideen eta alderdi interesdunen arteko elkarrizketa indartzea eta aplikazioan egitea indarra.
2026ko Europako Seihilekoko udazkeneko paketeak herrialdeen araberako txostenetan herrialde bakoitzerako jasotako erronka espezifiko nagusiei aurre egiteko gomendio politikoak emanen ditu, herrialdeen araberako gomendio espezifikoen 2025eko multzo zabalean oinarrituta.
2025eko udazkeneko aurreikuspen ekonomikoetan oinarritzen da paketea. Aurreikuspen horien arabera, EBko ekonomiak erresilientzia-egoeran jarraitzen du, neurrizko hazkundearekin, batez ere barne-eskaera eta inbertsio sendoek, lan-merkatu irmoak eta inflazioaren murrizketak bultzaturik. Aldi berean, ahulgune estrategiko eta egiturazko erronka batzuei aurre egin behar die EBk; besteak beste, produktibitate baxua eta presio demografikoak finantza publikoen gaineko presioaren areagotzea defentsaren eta ekonomia deskarbonizatu eta digital baterako trantsizioaren ondorioz. Horregatik, Europaren hazkunde-potentziala askatu eta egonkortasuna babesteko, funtsezkoa izanen da lehiakortasuna indartzea eta finantza publiko saneatuak mantentzea.
EB osatzen duten 27 herrialdeei giza kapitalaren inguruan egindako gomendio berri batekin indartu da Seihilekoa, premiazkoa baita ekoizpena areagotzea, talentua sustatzea eta etorkizunerako prestatutako lan-merkatu bat garatzea.
