Europako Batzordeak sistema berri bat jarri du martxan, Gaitasunen Bermea, langileei eta enpresei laguntzeko eta sektore estrategikoetan eta hazten ari diren sektoreetan eskulan eskasiari aurre egiteko. Gaitasunen Bermea Gaitasunen Batasunaren esparruko ekimen enblematiko bat da, sektore estrategikoak indartuko dituena, Lehiakortasunaren Europako Funtsa izanen denarekin bat etorriz. Langileei aukera emanen die sektore estrategikoetarako trantsizioa egiteko, enplegu berriak lortzeko eta gaitasun gehigarriak garatzeko.
Lehen urrats gisa, Batzordeak Langileentzako Gaitasunen Bermearen proiektu pilotua jarri du gaur martxan, 14,5 milioi euroko aurrekontuarekin. Langabezia-arriskuan dauden automobil-industriako eta haren hornidura-kateko langileetan zentratuko da. Proiektu pilotuak aztertuko du nola bizkortu eta hobetu langileen trantsizioa sektore estrategiko horietatik hazten ari diren enpresetako lanpostuetara, gaitasunak hobetzeko eta birziklatze profesionaleko programa espezifikoak emanez. Proiektu pilotuak langileei lagunduko die lanpostuko trebakuntza-programen eta gaitasun berriak eskuratzeko laguntzen bidez; eskaera handiena duten sektoreek, aldiz, bizkorrago kontratatzen ahalko dute behar duten talentua, eta, ondorioz, lehiakorragoak izanen dira.
Xehetasunak kontsultatzen ahal dituzu dagokion prentsa-oharrean.
