Europako Batzordeak nekazaritzako elikagaien salerosketari buruz argitaratutako azken txostenak erakusten du EBko nekazaritzako elikagaien esportazioek gora egin zutela 2025eko uztailean aurreko hilaren aldean, eta 20.700 milioi eurora iritsi zirela. EBko nekazaritzako elikagaien superabita % 19 hazi zen uztailean, eta 4.600 milioi eurora iritsi zen.
EBko nekazaritzako elikagaien esportazioak 20.700 milioi eurora iritsi ziren 2025eko uztailean; horrenbestez, % 8 igo ziren aurreko hilaren aldean, baina zenbatekoa 2024ko uztailean lortutakoaren antzekoa izan zen. Urtarriletik, EBko esportazio metatuak 139.400 milioi eurokoak izan ziren, hau da, % 2ko igoera (2.700 milioi euro gehiago) egon zen 2024ko aldi berarekin alderatuta, batez ere prezioak igotzearen ondorioz. Erresuma Batua izan zen helmuga nagusia (% 23).
EBko nekazaritzako elikagaien inportazioek hil arteko % 5 egin zuten gora uztailean, eta 16.100 milioi eurora iritsi ziren. Zenbateko hori 2024ko uztailekoa baino % 10 handiagoa izan zen. Urtarriletik, EBko inportazio metatuak 113.000 milioi eurokoak izan ziren. Horrek esan nahi du 14.900 milioi euroko igoera egon zela (+ % 15) 2024arekin alderatuta, batez ere EBren hainbat inportazioren —hala nola kakaoa eta kafea— prezio altuen ondorioz. Boli Kostatik (+ 2.200 milioi euro, + % 59) eta Kanadatik (+ 1.300 milioi euro, + % 93) etorritako inportazioek izan zuten hazkunderik handiena. Errusiatik etorritako inportazioak % 70 jaitsi ziren (- 561 milioi euro), beheranzko joerari jarraipena emanez.
EBk nekazaritzako elikagaien salerosketari buruz hilero egiten duen txostenaren azken edizioan datu eta taula xehatu gehiago daude.
