Europako Batzordeak adimen artifizialeko sistemen inplementatzaile eta hornitzaileei lagunduko die adimen artifizialak sortutako edo manipulatutako edukia detektatzen eta etiketatzen. Horri esker, erabiltzaileak informatuta egonen dira adimen artifizialeko sistema batekin elkarreragiten dutenean. Horretarako, Batzordeak kontsulta bat jarri du abian AAren arloko gardentasun-betebeharrei buruzko jarraibideak eta praktika-kode bat egiteko, Adimen Artifizialaren Legearen xedapenetan oinarrituta.
AAren Legeak eskatzen du adimen artifizial sortzaileko inplementatzaile eta hornitzaileek informazioa eman behar dietela pertsonei adimen artifizialeko sistema batekin elkarreragiten dutenean, bai eta emozioak ezagutzeko sistemen edo kategorizazio biometrikoko sistemen eta adimen artifizialeko sistema batek sortutako edo manipulatutako edukiaren eraginpean daudenean ere.
Batzordeak gonbita egiten die AAren eredu eta sistema sortzaile eta interaktiboen hornitzaileei eta inplementatzaileei, bai eta kategorizazio biometrikoko eta emozioak ezagutzeko sistemen hornitzaileei eta inplementatzaileei, sektore publikoko eta pribatuko erakundeei, akademia- eta ikerketa-adituei, gizarte zibileko ordezkariei, agintari ikuskatzaileei eta herritarrei, beren ikuspuntuak partekatzeko 2025eko urriaren 2a baino lehen.
Kontsultarekin batera, interes-adierazpeneko deialdi bat dago, urriaren 2ra arte irekia dagoena, alderdi interesdunek Praktiken Kodearen sorreran parte har dezaten.
AAren Legeak, 2024ko abuztuaren 1ean indarrean jarri zenak, AA modu arduratsu eta fidagarrian garatzea eta ezartzea sustatuko du EBn. Gardentasun-betebeharrak 2026ko abuztuaren 2tik aurrera aplikatuko dira.
