Europako Batzordeak «Eskualdeen berdintasunerako eta eskualde-kulturen jasangarritasunerako kohesio-politikari» buruzko Europako Herritarren Ekimenari (HKI) eman zion erantzuna argitaratu zuen.
Hamaikagarren ekimenak erantzun formala jaso zuen Batzordetik. Herritarrek eskatu zuten, EBren Kohesio Politikaren esparruan, arreta berezia jartzea inguruko eremuez bestelako ezaugarri nazional, etniko, kultural, erlijioso edo linguistikoak dituzten eskualdeetan.
Batzordeak kontu handiz aztertu zituen herritarren proposamenak, eta ondorioztatu zuen, nahiz eta proposamen batzuk EBren eskumenetik kanpo geratu, estatu kide horien konfigurazio konstituzionalean eragina izanen luketelako, beste batzuk dagoeneko gauzatuak daudela egungo kohesio-politikan, gutxiengoen inklusioa eta tratu-berdintasuna eta kultura- eta hizkuntza-aniztasunarekiko errespetua sustatzen dituzten babes sendoei esker.
Ondorioz, ez da legedi berririk proposatuko Europako herritarren ekimen honi erantzuteko. Hala ere, Batzordeak Batasunaren finantzaketarako diskriminaziorik gabeko sarbidea bermatzen jarraituko du, eta estatu kideen ekintzak gainbegiratu eta babestuko ditu, kohesio-politikaren aplikazioan tratu-berdintasuna bermatzeko.
