Batzordeak iragarri du tasa bat ezarriko diela EBkoak ez diren eta bisarik behar ez duten bidaiariei, Europako 30 herrialdeetan sartzeko. Bidaien Informazio eta Baimenerako Europako Sistemaren (SEIAV) tasa 7 eurokoa zen lehen, eta orain 20 eurokoa izanen da. Igoera horren bidez, SEIAVen kostu operatiboak estali nahi dira, haren funtzionalitate guztiak eta inflazio-tasak kontuan hartuta, eta EBko tasa parekatuko da bidaiak baimentzeko antzeko programak dituzten beste herrialde batzuetakoekin.
ETIAS sistema diseinatuta dago bisarik behar ez duten hirugarren herrialdeetako herritarrek EBra bidaiatzea errazteko, eta, aldi berean, segurtasuna hobetzen du. Bidaiariek online eskabide bat bete beharko dute bidaiatu aurretik, eta informazio pertsonala emanen dute. Eskaera modu automatikoan prozesatuko da, eta bidaiariak erantzun bat jasoko du minutu gutxi batzuen buruan. Talde batzuek ez dute tasa ordaindu beharko, hala nola 18 urtetik beherakoek eta 70 urtetik gorakoek.
Tasaren doikuntza Europako Kontseiluaren eta Parlamentuaren bi hilabeteko berrikuspen-aldiaren mende egonen da orain (behin berritu daiteke). Indarrean jarriko da SEIAV operatibo egon bezain laster, ziurrenik 2026ko azken hiruhilekoan.
ETIAS sistema 2026. urtearen bukaeran hasiko da funtzionatzen.
