Milaka gaztek Europa DiscoverEU bidez doan esploratzeko aukera izanen dute. Europako Batzordeak DiscoverEU txanda berri baterako hautagaitzak ireki ditu, eta ia 36.000 bidaia-bonu jarri ditu Europa osoko 18 urteko gazteen esku.
Hautatutako izangaiek trenez bidaiatzen ahalko dute 30 egunez, 2025eko uztailaren 1etik 2026ko irailaren 30era, eta herrialde eta kultura berriak ezagutu eta esperientzia berriak bizitzen ahalko dituzte. Deialdia 2006ko uztailaren 1etik 2007ko ekainaren 30era bitarte sortu diren eta EBn eta Erasmus+ programarekin elkartutako herrialdeetan bizi diren hautagaiei irekita dago. Hautagaitzak aurkezteko epea apirilaren 16an (asteazkena) akituko da, 12:00etan (CEST).
Hautagaiek Europako Gazteriaren Atariaren bidez eman behar dute izena, eta EBri buruzko galdetegi labur bati erantzun.
Glenn Micallef Belaunaldi arteko ekitatearen, gazteriaren, kulturaren eta kirolaren komisarioak honako hau adierazi du: «DiscoverEUk abenturarako, ikaskuntzarako eta esperientzia ahaztezinetarako atea irekitzen du. Atseginez jarri dut abian 2025eko udaberrirako hautagaitzen txanda, milaka gazteri aukera emanen baitie Europa eta bertako kultura ondare aberatsa esploratzeko, haien ezagutza zabaltzeko eta bizitza osorako oroitzapenak sortzeko. 18 urte badituzu eta bidaia bikain baterako prest bazaude, ez galdu aukera hau. Aurkez ezazu zure hautagaitza orain!».
Xehetasunak kontsultatzen ahal dira prentsa-oharrean.
