Martxoaren 28tik 30era, EBko aurrekontu berriari buruzko Herritarren Europako Panelaren lehen saioa egin da Bruselan.
Herritarren Europako Panel horren parte gisa, EBko 27 estatu kideetatik ausaz hautatutako 150 herritar bildu dira eztabaidatzeko EBk finantzatutako zer lehentasun eta ekintzek ematen dieten balio erantsi handiena europarrei. Panelistek EBren aniztasuna irudikatzen dute, bai ikuspegi geografikoari dagokionez, bai generoari, adinari, hezkuntzari eta testuinguru sozioekonomikoari dagokienez. Lehen saioaren ondoren, bigarrena online eginen da (apirilaren 25etik 27ra), eta hirugarrena eta azkena Bruselan (maiatzaren 16tik 18ra).
Panela Europako Batzordearen ekimen zabalago baten parte da; ekimen horren helburua da herritarrekin elkarrizketa bat izatea EBko etorkizuneko aurrekontuari buruz, Batasunaren lehentasunetan gehiago zentratu dadin, haren funtzionamendua errazagoa izan dadin, eta eragin handiagoa izan dezan finantzaketa nazional, pribatu eta instituzionaleko iturri berrien bidez, EBko epe luzerako aurrekontu berri bat proposatu aurretik 2025ean. Panelaren lana 2024-2029rako lehentasun politikotik ere eratortzen da zuzenean («Emaitzak elkarrekin lortzea eta gure Batasuna etorkizunerako prestatzea»), gure anbizioetara egokitutako aurrekontu berri baten alde egiten baitzuen.
Aldi berean, Herritarren Partaidetzarako Plataforma (lineako eztabaida foro bat) prest dago herritar guztien ekarpenak eta iritziak jasotzeko. Plataformaren ekarpenek panelaren eztabaidetan laguntzen dute. Era berean, panelaren azken gomendioek EBko epe luzerako hurrengo aurrekontua prestatzen lagunduko dute. Herritarren panelaren gomendioekin batera, lineako ekarpenek EBko epe luzerako aurrekontu berri baten proposamena elikatuko dute 2028tik aurrera.
Ostiral arratsaldeko eta igande goizeko osoko bilkurak zuzenean eman dira Interneten, Herritarren Partaidetzarako Plataformaren bidez. Gainera, akreditatutako kazetariak bultzatu nahi dira panelean zuzenean parte har dezaten. Jarri harremanetan COMM-CITIZENS-PANELS@ec.europa.eurekin lehenbailehen, plazak mugatuak baitira eta edukiera eskaerak iritsi ahala beteko baitira.
Informazio gehiago nahi izanez gero Herritarren Europako Panel horri buruz, hau da, EBko aurrekontu berria aztergai duenari buruz, ikusi webgune espezifikoa: Europako aurrekontu berria — Europako Batzordea.
