Guztira 77 deskarbonizazio-proiektuk sinatu dituzte dirulaguntza-akordioak Klimaren, Azpiegituraren eta Ingurumenaren Europako Agentzia Exekutiboarekin (CINEA), 2023ko Berrikuntza Funtsaren deialdiaren esparruan. Dirulaguntza-akordioak 4.200 milioi eurokoak izanen dira, guztira. 1,4 eta 262 milioi euro bitartekoak dirulaguntzak emanen zaizkie proiektuei, ahalmena badute CO2 isurien 397,6 milioi tona murrizteko, jardunean egon diren lehen 10 urteekin alderatuta. 77 proiektu horiez gain, erreserba-zerrendako sei proiekturi egin zaie gonbit, dirulaguntzak jasotzeko akordioak prestatzeko.
Finantzaketa hori EBko Emisioen Merkataritza Sistemaren sarreretatik dator. Europako 18 herrialdetako proiektuak hautatu dira, eta 2025 eta 2031 bitartean abiaraztea espero da.
Dirulaguntza-akordioak sinatu dituzten 77 proiektuez gain, CINEAk gonbit egin die erreserba-zerrendako sei proiekturi ere, dirulaguntzetarako akordioak prestatzeko. Sei proiektu horiek 24,6 milioi tona CO2 isuriren baliokidea murriztu ahal izanen lukete, maila globalean.
