Itunek eskatzen duten bezala, 2024-2029 agintaldirako Europako Batzordeko kideek, von der Leyen presidentea buru zutela, konpromiso irmoa hartu zuten Europako Erkidegoetako Justizia Auzitegiaren aurrean, Europako itunak eta Oinarrizko Eskubideen Gutuna errespetatu eta zaintzeko.
Auzitegiak harrera egin zien kideei, eta Koen Lenaerts presidenteak bilkura solemnea inauguratu zuen. Presidenteak Batzordeak itunen zaintzaile eta Batasunaren interes orokorraren sustatzaile gisa duen zeregina azpimarratu zuen.
Banan-banan eta bakoitzak bere ama hizkuntzan, kideek konpromisoa hartu zuten beren erantzukizunak betetzeko orduan independenteak izateko, beren eginkizunekin bateraezina den ekintzarik ez egiteko eta agintaldian zehar eta ondoren zintzotasunez jokatzeko.
