Europar Batasuneko Kontseiluak erregelamendu berri bat garatu du Europar Batasun barruan osasun datuetarako sarbidea eta horien trukea errazteko. Horrela, aurrerapauso berria eman du erregelamendu berria indarrean sartzeko bidean.
Osasun Datuen Europako Espazioari buruzko Erregelamenduaren helburua da herritarren osasun datu pertsonal elektronikoetarako sarbidea eta datuon gaineko kontrola hobetzea, aldi berean zenbait daturen berrerabilera baimenduz, ikerketa eta berrikuntza xedeetarako, Europako paziente guztien mesedetan. Horretarako, osasunaren arloko datu ingurune espezifiko bat aurreikusten du erregelamenduak, Europar Batasuneko osasun produktu eta zerbitzu digitaletarako mugaz haraindiko sarbidea bermatuko duena.
