Gaurtik aurrera zabalduko ditu Batzordeak Europako Bauhaus Berrian (NEB) inspiratzen diren eta berrikuntza eta sormena goresten dituzten bi saritarako hautagaitzak: Europako Bauhaus Berria sarien bosgarren edizioa eta udalerri txikietarako NEB Boost berria.
Proiektu eder, jasangarri eta integratzaileak saritzen dituzten NEB eta NEB Boost sarien helburu eta hartzaileak desberdinak dira:
- NEB sarietan norbanako, talde eta antolakundeen proiektu eta ideia bikainak sarituko dituzte.
- Udalerri txikietarako NEB Boost sariaren bitartez, berriz, tokiko gobernu txikienei lagunduko zaie komunitatearen konpromiso sendoa duten proiektu eraldatzaileak gauzatzen.
Europa osoko eta Europatik kanpoko ameslari, sortzaile eta aldaketa-eragileak gonbidatzen dira gure bizimodua eta ingurunearekin elkarreragiteko modua eraldatuko duten proiektu eta ideia berritzaileak aurkeztera.
