Europako Batzordeak ofizialki sortu du Nekazaritza eta Elikagaien Kontseilu Europarra (EBAF), Nekazaritzaren Etorkizunari buruzko Elkarrizketa Estrategikoaren azken txosteneko gomendioetako bati jarraikiz.
Elikagaien eta Nekazaritzaren komisario Cristophe Hansen izanen da Nekazaritzaren eta Elikagaien Kontseilu Europarraren presidentea, eta xedetzat izanen du elkarrizketa, konfiantza eta partaidetzako kultura berria lortzea alderdi interesdunen artean, elikakatearen eragileen eta gizarte zibilaren artean, baita Batzordearekin ere.
Espero da kontsulta-organo horrek goi mailako aholkularitza emanen diola Batzordeari EBren Nekazaritzaren Etorkizunari buruzko Elkarrizketa Estrategikoaren txostenaren jarraipenaren inguruan, eta laguntza emanen duela Nekazaritza eta Elikadurarako Ikuspegiari buruzko lanetan, agintaldiaren lehenengo 100 egunetan aurkeztuko baita.
Kideek elkar ulertzea eta esperientziak trukatzea sustatuko da, eta arreta berezia jarriko zaie Batasunaren politiken koherentziari eta sinergiari, bai eta politika horiek sektore pribatuaren ekimenekin duten sendotasunari ere.
