Zazpi ikastetxetako Lanbide Heziketako graduetako ikasle eta irakasle batzuek ziklo elebidunetarako Europako Mugikortasun Astearen hirugarren edizioan parte hartu dute
Aurten ere, Nafarroako Lanbide Heziketako goi mailako zikloetako ehun ikasle eta irakasle inguru joan dira Alemaniara, Europako Mugikortasun Astearen barruan atzerriko hizkuntzako laguntza ekintzen programan parte hartzera. Nafarroako Gobernuko Hezkuntzako eta Lanbide Heziketako Zuzendaritza Nagusiak CNAI sozietate publikoarekin lankidetzan bultzatutako ekimenaren hirugarren edizioa da; sozietate hori Nafarroako Enpresa Korporazio Publikoaren (CPEN) parte da, eta Nafarroako Gobernuko Hezkuntza Departamentuari atxikita dago.
Egonaldian zehar, ikasleek aukera izan dute prestakuntza eredu hori ezartzen duten Alemaniako hezkuntza erakundeak eta enpresak bisitatzeko. Tailer praktikoen eta informazio saioen bidez, ikasleek ikusi dute nola integratzen diren teoria eta praktika benetako lan ingurunean, eta horrek tresna baliotsuak eman dizkie beren etorkizun profesionalerako.
Programa Europako funtsek finantzatzen dute.
