Ekonomiako Lankidetza eta Garapenerako Antolakundeak (ELGA) eta Batzordeak Health at a Glance: Europa 2024 txostena argitaratu dute. Aurtengo edizioak osasuna sustatzearen eta bizitza osoan eritasunak prebenitzearen garrantzia nabarmentzen du, zahartze osasuntsua bultzatzeko. Era berean, Europa osoko osasun langileen eskasiari aurre egiteko premia larria azpimarratzen du.
Txostenak erakusten duenez, pandemiaren ondoren Europako jaiotzako bizi itxaropena 81,5 urtera handitu bada ere, oraindik 8 urteko aldea dago bizi itxaropen handiena eta txikiena duten herrialdeen artean. Era berean, EBko bizi urte osasuntsuei dagokienez gizonen eta emakumeen artean dauden aldeak adierazten dira, eta erakusten da, emakumeak batez beste gizonak baino gehiago bizi diren arren, gizonek baino 5 urte gehiago igarotzen dituztela osasun txarrarekin.
Txostenak azpimarratzen du, halaber, premiazkoa dela osasun langileen eskasiari aurre egitea: 1,2 milioi mediku, erizain eta emagin inguru 2022an. Europako medikuen herenak baino gehiagok eta erizainen laurdenak 55 urte baino gehiago dituztenez, eta datozen urteetan erretiroa hartuko dutela aurreikusten denez, erabakimenez jardun behar da Europako osasun langileei laguntza bermatzeko. Hainbat mailatan jardun behar da: inbertsio handiagoa, lan baldintza hobeak eta prestakuntza aukera gehiago.
