Turismo iraunkorragoa, digitalagoa eta lehiakorragoa lortzera bideratutako jarduketak aurreikusten ditu “Iruñerria” Helmugako Jasangarritasun Turistikoko Planak
Kultura, Kirol eta Turismoko sailburu Rebeca Esnaolak Iruñerrirako Jasangarritasun Turistikoko Plana (PSTD) aurkeztu du gaur Gongora Jauregian. Next Generation Funtsetik datozen bi milioi euroko inbertsioarekin, eragindako udalerriak berezko nortasuna duen landa-helmuga bihurtzea aurreikusten du.
“Iruñerria Landa Eskualdea” Lurralde Plan Orokorra Nafarroako hainbat eremutan eragina duten 12 planeko multzo baten parte da. PSTDak, oso-osorik Next Generation funtsekin finantzatzen direnak, tresna bat dira toki-erakundeek eta autonomia-erkidegoek inbertsioak egin ahal izan ditzaten turismo-sektoreko eraldaketa-ekintzetan trantsizio berdearen, trantsizio digitalaren eta turismo-lehiakortasunaren eremuetan.
