Batzordea nazioarteko finantza-baliabide bat sortzen ari da, Climate City Capital Hub izenekoa, hiri adimendunak eta klimaren aldetik neutroak lortzeko EBren misioan parte hartzen duten hiriei laguntza emateko.
Zentro horri esker, EBren Hirien Misioaren Zigilua jaso duten hiriek aukera hauek izanen dituzte:
- Finantza-aholkularitza eskuratzea, Europako Inbertsio Bankuaren aholkularitza-zerbitzuekin lankidetzan.
- Proiektuetarako finantzaketa jasotzea, eta proiektuak partekatzea.
- Zenbait kapital-hornitzailetan (sektore publikoko eta pribatuko mailegu-emaileak eta inbertitzaileak barne; esaterako, kapital filantropikoa eta enpresa-kapitala, bai eta finantzaketa berritzailea ere, hala nola partaidetzazko finantzaketa eta jasangarritasunari loturiko bonuak) proiektuak sartzea, eta eragiketak ixteko prozesua babestea.
Climate City Capital Hub delakoa Europako Inbertsio Bankuaren zerbitzuen osagarria izanen da, eta bi misio hauen laguntzarekin sortuko da: hiri adimendunak eta klimaren aldetik neutroak lortzeko EBren misioa, eta klima-aldaketa egokitzeko EBren misioa. Kapital pribatuarekiko konpromisoan jarriko du arreta bereziki. Baldin eta hiriek Klimara Egokitzeko Misioaren Gutuna sinatu badute eta EBren hirien misioaren zigilua jaso badute, zerbitzuek arintze- eta egokitze-proiektuak hartuko dituzte barnean, eta ikuspegi holistikoa erabiliko da klima-aldaketari aurre egiteko.
