Nafarroako Gobernuko, Espainiako estatuko eta EBko arduradunak bildu dira, Eskualde Garapeneko Europako Funtsa (EGEF) programa abian jartzeko eta gauzatzeko aurrerapenei buruz hitz egiteko.
Nafarroako Gobernuko, Espainiako estatuko eta Europako Batzordeko arduradunak Nafarroako 2021-2027 aldirako Eskualde Garapeneko Europako Funtsaren (EGEF) hirugarren jarraipen batzordean bildu dira. Horri esker, datozen urteetan 46.255.125 euro iritsiko dira.
Batzordeak programa abian jartzeko eta gauzatzeko egindako aurrerapenei heldu die. Programa horren ardatz nagusiak honako hauek dira: enpresetarako laguntzak, I+G+b proiektuak gara ditzaten; Osasunbidea-Nafarroako Osasun Zerbitzuaren digitalizazioa eta modernizazio teknologikoa; eraikin, azpiegitura publiko eta etxebizitzetan energia efizientzia hobetzea; eta ingurumena babesteko laguntzak.
