Europaren AAren Bulegoa izanen da AAren esperientziaren erdigunea EB osoan. Funtsezko zeregina izanen du AAri buruzko Legearen ezarpenean, batez ere helburu orokorreko AArako, eta AA fidagarriaren garapena eta erabilera eta nazioarteko lankidetza sustatuko ditu.
EBk AA segurua eta fidagarria dela bermatu nahi du. Horretarako, AAri buruzko Legea AAri buruzko lehen esparru juridiko globala da mundu osoan, pertsonen osasuna, segurtasuna eta oinarrizko eskubideak bermatzen dituena eta hogeita zazpi estatu kideetako enpresei segurtasun juridikoa ematen diena.
AAren Bulegoa bereziki prestatua dago EBk AAren arloan duen ikuspegia babesteko. Funtsezko zeregina izanen du AAri buruzko Legearen aplikazioan, estatu kideetako gobernantza erakundeei lagunduko baitie haien zereginetan. Erabilera orokorreko AA ereduetarako arauak betearaziko ditu. Hori AAri buruzko Legeak Batzordeari emandako eskumenetan oinarritzen da, barnean dela erabilera orokorreko AA ereduak ebaluatzeko, ereduen hornitzaileei informazioa eta neurriak eskatzeko eta zehapenak aplikatzeko eskumena. Halaber, AAren Bulegoak AAren ekosistema berritzaile fidagarria sustatzen du, onura sozial eta ekonomikoak biltzeko. Nazioarteari begira, Europaren ikuspegi estrategiko, koherente eta eraginkorra bermatuko du AAren arloan, eta munduko erreferentzia bihurtuko da.
