Ursula von der Leyen presidenteak eta Viola Amherd Suitzar Konfederazioko presidenteak negoziazioak abiarazi dituzte gaur, EBren eta Suitzaren arteko harremanetan sakontzeko eta horiek handitzeko neurri sorta zabal bati buruz.
Negoziazioei ekin zaie, Suitzak eta EBk 2024ko martxoaren 8an eta 12an, hurrenez hurren, negoziaziorako aginduak onetsi ondoren. Bi aginduek baimena ematen diete Batzordeari eta Suitzari, Suitzako Kontseilu Federalak eta Europako Batzordeak 2023ko azaroan onetsitako Elkar Ulertze Komunean zirriborratutako neurrien multzoa negoziatzeko.
Elkar Ulertzeak berretsi egiten du bi alderdiek negoziazioa aurten amaitzeko asmoa dutela. Negoziazio-taldeak bihar bilduko dira.
EB eta Suitza hurbileko bizilagunak dira, eta mugaz haraindiko lotura sendoak dituzte. EB Suitzaren lehen merkataritza-bazkidea da, eta Suitza, berriz, EBren laugarren bazkidea. EBko milioi eta erdi inguru herritar Suitzan bizi dira, eta Suitzako 450.000 bat herritar EBn. Horrez gain, EBko ehunka mila herritarrek egunero gurutzatzen dute muga, Suitzan lan egiteko.
