Europako Batzordeak harrotasunez ospatu du Gazte ekintzaileentzako Erasmus (EYE) programaren 15. urteurrena. Programa hori Europa osoan enpresa-espirituaren etorkizuna egituratzeko sortutako ekimen historikoa da. EYEk nazioarteko lankidetza sustatzen du, enpresa-gaitasunak aberasten ditu, eta berrikuntza bultzatzen du.
Programak nazioarteko trukerako aukera paregabea eskaintzen die ekintzaile berriei eta ekintzaile izan daitezkeenei, ideia berritzaileak errealitate bihurtzeko. Enpresa bat abian jartzeko eta kudeatzeko hasierako oztopoak gainditzen laguntzeaz gain, ETEen eta enpresa-elkarteen nazioartekotzea ere errazten du. Parte-hartzaileek prestakuntza baliotsua eskuratzen dute lanpostuan, eta beren enpresa-gaitasunak garatzen dituzte, atzerrian esperientzia duten harrerako enpresaburuekin lankidetzan arituz, hilabete batetik sei hilabetera bitartean. EBk finantza-laguntza eskaintzen du bidaia- eta egonaldi-gastuak ordaintzeko, eta, horrela, irisgarritasuna bermatzen du.
Esperientzia duten harrerako enpresek onura ateratzen diete parte-hartzaileek emandako ikuspuntu eta gaitasun berriei. Lankidetza horrek bide ematen du negozioak haztea eragin dezaketen ideia berritzaileak aztertzeko; izan ere, nazioartekotzea, merkatu berrietan sartzea eta elkarte berriak eratzea ahalbidetzen du, eta horrek are gehiago handitzen du lehiatzeko abantaila.
Orain arte, programak ia 12.000 enpresa-truke sortu ditu 45 herrialdetan baino gehiagotan. 2023an maximo historikoa lortu zen, 5.000 eskabide baino gehiago aurkeztu baitziren. Horrek erakusten du programak erabateko arrakasta izan duela. EYE programak onarpen-indize handia du: enpresaburu berrien % 98k gomendatzen dute, eta parte-hartzaileen % 92k harremanari eusten diote trukea amaitu ondoren.
Europa osoko erakunde artekari ugarik hartzen dute parte programan.
Europako Batzordeak etorkizunean EYE programa hobetzeko konpromisoari eusten dio. Horretarako, sortzen ari diren enpresaburuei laguntzen jarraituko duela bermatzen du eta Europako enpresa-ekosistema erresistentea eta berritzailea lortzen laguntzen du. Izangaiak bultzatzen ditugu enpresa bat sortzera, bai eta dagoeneko esperientziadun enpresak dituztenak ere, bat egin dezaten komunitate aberats horrekin eta EYEren historia arrakastatsuan parte har dezaten.
Nola eskatu edo parte hartu jakin nahi izanez gero, ikusi webgune hauek: Gazte ekintzaileentzako Erasmus programa (www.erasmus-entrepreneurs.eu) eta http://camaranavarra.com/creacion-empresas/erasmus-para-emprendedores/
