Europako Batzordeak prozedura formal bat abiarazi du ebaluatzeko ea TikTokek Zerbitzu Digitalen Legea urratu duen arlo hauetan: adingabeen babesa, publizitate-gardentasuna, ikertzaileek datuak eskuratzea eta mendekotasuna sortzen duten diseinuen eta eduki kaltegarrien arriskuaren kudeaketa.
Batzordeak erabaki du prozedura formala abiaraztea TikToken kontra, Zerbitzu Digitalen Legea dela-eta, orain arte egin den aurretiazko ikerketan oinarrituta. Ikerketa horretan, TikTokek 2023ko irailean bidalitako arriskuen ebaluazio-txostena aztertu da, baita Batzordeak egindako informazio-eskaera formalei TikTokek emandako erantzunak (legez kanpoko edukiei, adingabeen babesari eta datuetarako sarbideari buruzkoak).
