Eurobarometroaren azken inkestaren emaitzek erakusten dutenez, 27 estatu kideetako herritarrek argi eta garbi babesten dute EBren ekintza humanitarioa; izan ere, inkesta egin dutenen % 91k diote garrantzitsua dela EBk laguntza humanitarioko jarduerak finantzatzea.
Hori uste dutenen proportzioa ez da aldatu 2020ko abendutik, eta daturik altuena izan da 2010ean egindako lehen inkestatik (% 79ekoa zen orduan). Inkestaren emaitzek erakusten dutenez, EBk mundu osoko krisi humanitarioei erantzuteko duen zereginari dagokionez, urtez urte babes publikoa gero eta handiagoa da.
Gainera, azken inkesta hori egin dutenen % 71k uste dute laguntza humanitarioa eraginkorragoa dela EBk koordinatzen badu. Inkestatutako 10 pertsonatik ia 9k uste dute EBk bere horretan mantendu edo handitu behar duela laguntza humanitarioaren egungo finantzaketa-maila.
